參賽的作品，究竟質與量，哪一個較重要？

呢一次比賽嘅時限，足足超過咗3個月，真係好長！咁長嘅時限，即係話啲作品份量一定唔可以少！唔係點同其它人競爭呢？終於寫吓寫吓我地就寫出咗50幾篇文章。呢度影吓，嗰度影吓，就影咗500幾張相出嚟！數量都好可觀架！但係我就認為質素都好重要。係做呢個blog 嘅過程中，我地由開始唔知寫乜，唔知影乜。到咗後期，我地嘅寫作技巧、思考深度、取景角度，都有咗好大嘅改善同進步。呢啲都係不斷磨煉同埋俾足心機先至可以做到嘅。

其實做事都係一樣，目標要明確，過程中又肯捱，不輕易放棄，結果一定唔會差得去邊！事實上，我地嘅心理質素，例如自信心、自制力和滿足感，都因為呢一次比賽而得到提升。呢啲先至係我地5個人嘅最大收穫！

By 蚯蚓

喺做事的過程中，有指引好呢？還是沒有指引好呢？

在這一次比賽中，我們先後去過十多處的地方遊玩。印象最深刻的一次就是「慢」步大欖涌水塘了。皆因我們早在7:30集合，上午先去了尖鼻咀，中午是河背水塘，下午便到了大欖涌水塘。但是大欖涌水塘引水道一帶的路程指示牌非常有問題，它顯示的資料(前往下一站所需的時間及里數)不確。當大家已走了半個多小時，但是路旁指示牌上的資料與先前見到的並無不同！看來我們就像從沒有走過半步似的。你說我們不氣憤才怪！以為很快完成的旅程，終點在望，結果是失望的多。後來我們看也不看那些指示牌，干脆我行我路，最後我們是在又熱又累之下，用了4個多小時，才完成旅程。

由此聯想，在做事的過程中，究竟有指引好呢？還是沒有的好？誠然有指引能提點我們怎樣做，可是也有機會因為引導錯誤，令人走了許多寃枉路，白花了許多時間。此時此刻，豈不是沒有指引更好？就像我們遊走東涌石散 頭那一次，那裏也沒有甚麽路程指示牌，我們自由自在，随心随意地走動，沿途卻見到許多有趣的事物，例如蜘蛛、竹節蟲、海芒果和潮漲潮退等等。這些都是意料之外的收穫。

除非指引明確、清晣、簡潔、扼要，否則不能幫助我們去發揮創意。當然，做起事來，完全沒有指引的話，會有一定的風險，會有機會「撞板」。但是從失敗中得到經騐和教訓，是可以改善不足，幫助個人成長。按照指引，「倒模」般完成工作，只會令成果失去獨特性。在做事的過程中，究竟有指引好呢？還是沒有好呢？那就真的見仁見智了！

By 耶穌

大自然的生與死，是怎麼樣的一回事？

在無數次的旅程中，我們上過高山、下過海邊。在欣賞沿途風光之時，發覺總有一些掃興的物事，伴我們走過漫漫長路。那就是各種屍體。無論是被輾得肝腦塗地的蟾蜍、被人踢死的蝸牛、被太陽曬壞了的魚乾、長滿蛆蟲的海龜、死有全屍的飛蛾…。這些屍體殘骸，我們都見過不少！單單聽到，便可以吃不下飯，睡不着覺。然而見得多了，便不再覺得恐佈。

我認為活生生的動植物，有着難以形容的魅力。就像我在觀鳥活動中，不時會對着鳥兒「出神」，並非因為那是罕有的品種，而是因為牠們的生命力，令到每個動作，無論飛翔、跳躍、啄食、梳理羽毛，都顯得很優美。有生命的東西，花鳥蟲魚草木，都令人賞心悅目。在全情欣賞之餘，更深深體會生命的可貴。因為大自然的生與死，其實是不斷的循環變化與不止息的生命更替。

By 堅叔

友情才是比賽勝出的關鍵！

參加比賽最好就係揾自己友一齊做。因為彼此認識對方的強弱項，做事就會有商有量。所以喺呢一次比賽，我最先揾咗陳嘉浩，皆因佢嘅電腦技術較好，我地又最合拍。林栢堅對大自然的知識就較豐富。馬志邦都係兄弟嚟架。而邱敏為人有活力、又細心。我地就係咁樣組成一隊人去參賽。

我地雖然只係識咗兩至五年，但係彼此之間互相信任，有互動同埋默契。所以分工嘅時候都唔會爭餐死。有人擅長影相、有人善於安排行程。大家都相信佢地嘅經騐同能力。唔怕蕩失路。不過受到酷熱天氣，同埋路程遙遠嘅影響，好多時候我地都行得幾辛苦。但係我地會互相安慰，即使行錯方向，心情唔好，都冇因為咁而亂發脾氣，怨三怨四。
例如馬屎洲一行，因為大家都曾經去過，雖然嗰日好曬，但係都行得好開心，好輕鬆。至於大欖涌一役，我地喺烈日下行山，而且行行吓仲聽到遠處的雷聲，都有啲擔心嘅。因為有一半人都冇帶遮，落起雨嚟，一定變晒落湯雞。而且我地從未去過嗰度，沿途嘅指示牌又亂指一通，行咗好耐都見唔到盡頭。雖然大家都好疲倦，但係都互相以「前路充滿轉機」作為鼓勵。最終都可以完成旅程。

又如東平洲之旅，因為之前落咗成10日雨，地面又生滿青苔，所以極度濕滑。有人仲跣低咗，搞到成身青BB，大家除咗扶起佢，仲等佢整乾淨先至起行。之不過行行吓，發現周地都係1cm長嘅大黑蟻，而且仲會爬入我地嘅鞋同褲裏面。呢個時候，就梗係只顧搏命跑，忘記咗有啲行得慢嘅組員。後來都有啲後悔。因為喺緊急關頭，竟然揼低佢地。好彩佢地都冇嬲。雖然有啲埋怨，但係都冇發火。就係呢啲點點滴滴，都成為我地寫blog嘅題材。

合作做事，友情非常重要。雖然人人性格有別，但係我地會求同存異，互相包容同體諒。所謂同心就事成，就算贏唔到比賽，都會贏到一生嘅友情。

By Dicken

在這一個比賽和活動中，我要多謝誰？

我要多謝老天爺： 幾乎日日都是大晴天，適宜去遊山玩水。
我要多謝家長： 容許我帶領他們的兒子「通山跑」。
我要多謝圖書館和電腦室的同事： 讓我們可以使用有關的設備。
我要多謝校方： 讓同學有機會站在台前，克服面對人群講話的膽怯，與大家分享一些見聞。
我更要多謝這5位同學： 在整個比賽過程中，勇於承擔、克苦耐勞、絕少遲到。他們有追求成功的信念、不怕失敗跌倒，因為知道這些都是累積經騐的好機會。而最重要的一樣，就是「俾我鬧都唔敢搏咀」。

得獎的喜悅主要是屬於他們的，但是得獎的光榮卻是屬於我們整間學校的！希望我們繼續努力，讓更多同學有機會在此分享參加比賽的見聞、和心得，多謝大家。

By 容記農場主