生活體驗---凍水涼

不知不覺間已經沖左兩個幾月凍水涼喇...其實我中四時亦曾經為了令自己保持清醒而嘗試沖(果時我常到周府作客),感覺良好,但效果一般,所以冇繼續沖落去,只係Miss Yung曾經提起就舊事重溫。
不過現今真係越來越熱...一返到屋企我就即刻黎個凍水涼,透心涼架...
沖凍水涼有好多好處架:第一,節電->又環保,又唔洗比咁多電費...第二:省水->沖凍水涼時,會因自己嘅自然反應而沖得特別快...成日比人話沖涼沖得慢嘅人就啱晒喇...第三->杜絕突然間冇熱水供應的機會,因為好多時候個熱水爐開關掣係會設於浴室外,隨時會比其他人有心無意地熄左...第四->強身健體,令皮膚滑溜...沖凍水涼嘅好處仲有好多,暫時按下不表,就留待大家自行領悟了...
大家得閒不妨試下,開始時一定會有些許不習慣,但習慣了也許會愛上冷水浴,但請緊記:量力而為,弄壞身子就唔好啦...

by Dicken