浪滾石

818東平洲

前幾天「橫風橫雨」的天氣，根本不適宜外出，我只好呆坐家裡打機、睇書、看電視。
終於今日天氣轉晴，可以去東平洲旅行la。由馬料水的渡輪碼頭搭船去東平洲，船期一日只得兩次，所以絕對不能遲到，否則就不能一天來回。
話咁快一覺醒來，落船處就係東平洲，沿岸除了由卵石和珊瑚鋪砌的沙灘外，還有很多奇形怪狀的沉積岩、千萬年來被波浪侵蝕成的海崖和海蝕平台、褶曲傾斜的岩層、盛開的仙人掌花…。
到了「難過水」附近，我們不得不往山上走。只是路上佈滿泥濘和大量活生生的螞蟻，嚇得我們拔足狂奔，途中也不知踏死了多少隻螞蟻L。結果Miss容被遠遠拋離於百米之外，只有蚯蚓陪她慢慢走。見面後她還不停罵我們「忘恩負義，棄老人家而去…」！在黃昏日落，漫天晚霞之際，我們才上岸，歸家去也。

by占士邦

818東平洲

天氣晴朗，萬里無雲，是郊遊的好日子。我們一行人由馬料水乘船破浪去到目的地--東平洲。

登陸之後，我們先從王爺角碼頭出發，沿著阿媽灣的海岸前進。到了「更樓石」，我們便非常勇猛地爬了上去(有相為證)。這裏更可以遠眺「難過水」(海蝕崖)的美態。跟著就到了岩層走勢曲折離奇的「龍落水」和見面不似聞名的「斬頸洲」。

然後我們便向山上進發，由於之前曾下了好幾日的雨，泥濘的小徑十分濕滑，同伴中也有人滑倒了，真慘！誰知「慘事」還在後頭…，地上有無數的螞蟻在爬行，密密麻麻，一浪接一浪似的，十分恐怖！其中以告示板上的地圖滿佈螞蟻，最為嚇人！我也不敢停下來繫上鬆了的鞋帶。因為牠們很快地爬上我的褲管。很得人驚！！！事後閒聊，斷估有過百萬隻的螞蟻出沒。現在想起來也覺得毛管動，好可怕！

by蚯蚓

818東平洲

會考放搒過後...雖然心有不甘...但慶幸大家都找到出路...我呢...原校升中六就心滿意足喇...今次東平洲之旅就當係為左放榜減壓嘅旅行,不過今次旅程真係意外特別多。

首先就係船程之中有意外收穫, 因為除咗我同占士邦之外, 人人都要讀Geography TERMS;我就趁佢地溫緊書時偷偷學到好多Geog嘅terms...

在東平洲上......有意外發生！因連續下了好幾場大雨, 今天才放晴,路面特別濕滑...Miss Yung第一個「跪低左」......真可憐！至於我...亦喺路程中黎個「四腳朝天」！真陰公！其他人呢...我要賣關子...東平洲一行...,除左以上嘅一連串失足事件外,仲有嘅就係我地喺路程中遇到好多......「蟻」！！！佢地千軍萬馬, 簡直就係放眼盡處遍地蟻！連地圖都鋪滿蟻, 搞到大家都棄慢者(Miss Yung)而去, 儘管慢者滿口忘恩負義, 大家都係一見蟻就向前猛衝, 真係「大家本是同道人, 怕蟻上腳各自奔」！

by Dicken